SK Gaming kanë siguruar dyshen e fnatic, Christopher "GeT_RiGhT" Alesund dhe Patrik "f0rest" Lindberg.
Lajmët e para u shfaqën dje, kur rakaka.se raportoi se disa lojtarë të fnatic kanë shprehur deshirën për të sjellur Robert "RobbaN" Dahlström dhe Jimmy "allen" Allen nga SK Gaming.
Fnatic fuqishëm kundërshtuan lëvizjen, dhe zgjodhën që të mbesin me udhëheqësit e ekipit, Patrick "cArn" Sättermon dhe Harley "dsn" Örwall. Organizata gjermane pastaj hapi dyert e saj për dyshen e fnatic për të formuar një ekip të tillë, duke lënë lojtarët e fnatic të tregojnë vetën diku tjetër.
Pavarësisht që Alexander "TheSlaSH" Müller-Rodic, drejtor menxhues i SK Gaming, mohoi raportet në blogun e tij, në të cilin ai theksoi: "asnjëra nga ato nuk është e vërtetë dhe ne nuk kemi hapur asnjë derë për askënd", ekipi i ri u zbulua sot.
Dy ish-bashkëlojtarët e fnatic, Alesund dhe Lindberg, kanë nënshkruar kontratat me SK, por Ståhl nuk është përfshirë në këtë kalim. Ndoshta jo befasi e madhe, duke pasur parasysh grindjen e tyre të mëparshme.
SK tani ka:
Robert "RobbaN" Dahlström
Jimmy "allen" Allen
Johan "face" Klasson
Patrik "f0rest" Lindberg
Christopher "GeT_RiGhT" Alesund
Këto lajme tani kompletojnë përbërjen e SK roster, por lënë boshllëk te fnatic si dhe te Lions. Me Dennis "walle" Wallenberg që është lidhur me daljen e mundshme në pension, Andreas "moddii" Fridh dhe Rasmus "Gux" Ståhl qëndrojnë si lojtarë të lirë. Ndoshta topi tani është në fushë të Lions?